Ykdysadyýet
Hormatly talyplar we ene-atalar!
August 20, 2025 16:47 • UTC+5 (Ashgabat) • 58 views
Türkmenistanyň «Türkmenistan» döwlet täjirçilik banky ýurdumyzda ýaşlary goldamak, olaryň döredijilik başlangyçlaryny höweslendirmek, hünär başarnyklaryny ösdürmek maksady bilen, amatly mümkinçilikleriň döredilmegini üpjün edip, «Talyp karzy» atly bank karzyny hödürleýär.
«Talyp karzy» – Türkmenistanyň raýaty bolan ýokary we orta hünär okuw mekdeplerinde bilim alýan talyplara okuw tölegini maliýeleşdirmek üçin niýetlenen ýeňillikli karz görnüşidir.
Karzyň esasy şertleri:- Karzyň möçberi: Okuw jaýy bilen baglaşylan şertnama laýyklykda görkezilen möçberde, nagt däl görnüşde berilýär;
- Göterim derejesi: ýyllyk 5%;
- Karzyň möhleti: 5 ýyla çenli;
Karzyň üpjünçiligi:Karzyň hödürlenmegi üçin hökmany ýagdaýda:
- Girew emlägi, ýa-da
- Üçünji bir tarapyň kepilliginiň (zamunlygynyň) üpjün edilmegi talap edilýär.
Hormatly talyplar we ene-atalar!Türkmenistanyň «Türkmenistan» döwlet täjirçilik banky tarapyndan hödürlenýän «Talyp karzy» mümkinçiliklerinden peýdalanmak isleýän müşderilerden bankyň resmi internet sahypasy www.tnbk.tm arkaly onlaýn görnüşde ýüz tutmalary hem-de degişli resminamalary tabşyrmalary kabul edilýär.