Tehnologiýa
Dünýä täzelikleri: Tehnologiýa we transport
April 27, 2026 10:06 • UTC+5 (Ashgabat) • 7 views
🌍 Dünýä täzelikleri: Tehnologiýa we transport ☁️ «Sceye» kompaniýasynyň SE2 dirižably stratosferada 12 gün uçup, 10 300 km ýol geçip rekord goýdy. Gün energiýasy bilen işleýän platforma uzak sebitlere internet ýetirer. 🚋 Moskwada bolsa 33 km uzynlykdaky dünýäniň iň uzyn tramwaý ugry açylyp, millionlarça ýolagça täze mümkinçilik döretdi.
Stratosferada rekord: «Sceye» dirižablynyň uly üstünligi
«Sceye» kompaniýasynyň döreden SE2 dirižably stratosferada täze bir rekord goýdy. Uzynlygy 82 metre barabar bolan bu enjam, 15 müň 800 metr belentlikde 12 günüň dowamynda 10 müň 300 kilometr ýol geçip, durnukly aragatnaşygy üpjün etdi.
- Enjam dolulygyna Gün panelleri arkaly işleýär.
- Bu täze platforma ilki bilen Ýaponiýada täjirçilik maksatly ulanylyp başlanar. Ol esasan adatdan daşary ýagdaýlarda we barmasy kyn bolan uzak sebitleri durnukly internet bilen üpjün eder.
Moskwa: Dünýäniň iň uzyn tramwaý ugry ulanmaga berildi
Russiýanyň paýtagtynda uzynlygy 33 kilometr bolan dünýäniň iň uzyn diametral tramwaý ugry (T2) açyldy. Bu täze uly taslama şäheriň infrastrukturasyny düýpli döwrebaplaşdyrýar.
- Täze liniýa şäheriň 13 etrabyny birleşdirip, 2 milliondan gowrak ýaşaýja 31 metro stansiýasyna we 4 sany demir ýol menzilne aňsat ýetmäge şert döredýär.
- Ugurda 51 sany döwrebap tramwaý her 3–6 minutdan gatnaýar. Bellere laýyklykda, tramwaýlar ýoluň käbir böleklerini ýörite energiýa saklaýjy ulgamlar arkaly simsiz geçmegi başarýarlar.