Syýasat
Türkmenistanyň Prezidenti Ýaponiýanyň Premýer-ministrini gutlady
February 20, 2026 07:47 • UTC+5 (Ashgabat) • 23 views
Türkmenistanyň Prezidenti Serdar Berdimuhamedow hanym Sanae Takaichi-ni Ýaponiýanyň Premýer-ministri wezipesine gaýtadan saýlanylmagy mynasybetli gutlady. Döwlet Baştutany “Merkezi Aziýa — Ýaponiýa” dialogynyň ilkinji sammitindäki duşuşygy ýyly ýatlamalar bilen belläp, türkmen-ýapon hyzmatdaşlygyny mundan beýläk-de ösdürmäge taýýardygyny aýtdy hem-de berk jan saglyk we üstünlik arzuw etdi.
Hormatly Prezidentimiz Serdar Berdimuhamedow hanym Sanae Takaitä Ýaponiýanyň Premýer-ministri wezipesine gaýtadan saýlanylmagy mynasybetli tüýs ýürekden gutlaglaryny iberdi.
Döwlet Baştutanymyz hatynda Tokio şäherinde geçirilen “Merkezi Aziýa — Ýaponiýa” dialogynyň ilkinji sammitiniň çäklerindäki duşuşygyny ýakymly duýgular bilen ýatlaýandygyny belläp, ýola goýlan ynanyşmak dialogynyň esasynda türkmen-ýapon hyzmatdaşlygynyň giň mümkinçiliklerini bilelikde ulanmaga taýýardygyny beýan etdi.
Hormatly Prezidentimiz mümkinçilikden peýdalanyp, Premýer-ministr Sanae Takaitä berk jan saglyk, bagtyýarlyk, Ýaponiýanyň dostlukly halkynyň abadançylygynyň bähbidine gönükdirilen ähli başlangyçlarynda uly üstünlikleri arzuw etdi.