Saglyk
Türkmenistanyň bilen BSGG-niň arasyndaky hyzmatdaşlygyň geljekki mümkinçilikleri maslahatlaşyldy
February 18, 2026 08:41 • UTC+5 (Ashgabat) • 20 views
Türkmenistanyň DIM-inde daşary işler ministriniň orunbasary Mähri Bäşimowa bilen Bütindünýä Saglygy Goraýyş Guramasy Ýewropa sebiti edarasynyň direktory Hans Klýuge arasynda duşuşyk geçirildi. Taraplar saglygy goraýyş ulgamyndaky hyzmatdaşlygyň häzirki ýagdaýyny we geljekki mümkinçiliklerini maslahatlaşdylar. Şeýle hem 2026–2030-njy ýyllar üçin Merkezi Aziýada saglygy goldamak boýunça Ýol kartasynyň taslamasy, Temmäkä garşy göreşmek boýunça Çarçuwaly konwensiýanyň ýerine ýetirilişi hem-de «Bitew
Düýn Türkmenistanyň DIM-inde daşary işler ministriniň orunbasary Mähri Bäşimowanyň Bütindünýä Saglygy Goraýyş Guramasynyň Ýewropa sebiti edarasynyň direktory Hans Klýuge bilen duşuşygy geçirildi.
Türkmenistanyň DIM-iniň habar bermegine görä, duşuşygyň barşynda taraplar özara hyzmatdaşlygyň häzirki ýagdaýyny we geljekki mümkinçiliklerini ara alyp maslahatlaşdylar. GDA giňişliginde amala aşyrylýan saglygy goraýyş diplomatiýasy boýunça okuw maslahatynyň şeýle görnüşdäki ilkinji maksatnama bolup, Türkmenistanyň kabul ediji ýurt hökmünde üstünlikli durmuşa geçirýändigi bellenildi.
Taraplar 2026 — 2030-njy ýyllar üçin Merkezi Aziýada saglygy we abadançylygy goldamak boýunça Ýol kartasynyň taslamasyny hem ara alyp maslahatlaşdylar.
Şeýle hem Türkmenistanyň çäginde BSGG-niň Temmäkä garşy göreşmek boýunça Çarçuwaly konwensiýasynyň ýerine ýetirilişi, «Bitewi saglyk» konsepsiýasynyň çäklerinde jemgyýetçilik saglygy boýunça adatdan daşary ýagdaýlara taýýarlyk meseleleri, şeýle hem Hazar ekologik başlangyjyny ilerletmek boýunça meseleler ara alnyp maslahatlaşyldy.
Hans Klýuge 2026-njy ýylyň dowamynda geçirilmegi meýilleşdirilýän iri sebit we halkara forumlara gatnaşmaga çagyryldy.