Britaniýa bilen täze işewürlik gatnaşyklary: Türkmen telekeçileri London şäherine çagyrylýar

Türkmenistanyň Söwda-senagat edarasy ýurdumyzyň hususy böleginiň wekillerini Beýik Britaniýanyň London şäherinde geçiriljek täze formatdaky B2B Exchange duşuşyklaryna gatnaşmaga çagyrýar. Bu sapar 2026-njy ýylyň 9–16-njy maýy aralygynda meýilleşdirilip, ol iki ýurduň işewürlik wekilleriniň arasynda göni gatnaşyklary ýola goýmakda möhüm ädim bolar. Bu halkara çäräniň gurnawçylary hökmünde Günbatar Londonyň Söwda-senagat edarasy (West London Chambers of Commerce) we “TurkmenExpo” kompaniýasy çykyş edýärler. Britan tarapyndan hyzmatdaşlary saýlap almak işi Londonyň 2 300-den gowrak uly kompaniýasyny birleşdirýän abraýly assosiasiýanyň göni gözegçiliginde amala aşyrylar. Esasy ugurlar we mümkinçilikler Guraljak B2B duşuşyklarynda Türkmenistanyň ykdysadyýeti üçin ileri tutulýan şu aşakdaky pudaklara aýratyn üns berler: - Dokma senagaty; - Oba hojalygy; - Gurluşyk ulgamy; - Bilim we innowasiýalar; - Syýahatçylyk. Gatnaşmak isleýänler üçin maglumat Beýik Britaniýanyň öňdebaryjy kompaniýalary bilen tejribe alyşmaga we hyzmatdaşlyk şertnamalaryny baglaşmaga isleg bildirýän kärhanalaryň ýolbaşçylary ýöriteleşdirilen platformada hasaba durup bilerler. - Hasaba alyş saýty: uktour.turkmenexpo.com - Elektron poçta: trademission@turkmenexpo.com - Habarlaşmak üçin telefon: +993 71 871814 Bu işewürlik sapary diňe bir täze bazarlara çykmak däl, eýsem halkara ülňülerini önümçilige ornaşdyrmak isleýän türkmen telekeçileri üçin hem uly platformadyr.