Jemgyýet
2025: Türkmenistanyň çäginden üstaşyr 21 müň konteýner ýük daşaldy
January 26, 2026 17:15 • UTC+5 (Ashgabat) • 17 views
2025-nji ýylda Türkmenistandan jemi 21 320 konteýner üstaşyr, eksport we import ýükleri hökmünde daşaldy. Bu üstaşyr gatnawlar “Demirgazyk–Günorta”, “Lapis–Lazuli” we “Gündogar–Günbatar” halkara ulag ugurlary boýunça sebit üçin goşmaça logistika mümkinçiliklerini döredýär.
2025-nji ýylda Türkmenistanyň çäginden jemi 21 müň 320 konteýner ýük daşamasy amala aşyryldy. Geçen ýylyň degişli döwri bilen deňeşdirilende 10 müň 200 sany konteýner köp daşaldy. Bu barada Türkmenistanyň Demir ýol ulaglary ministrligi anna güni habar berdi.
Daşalan ýükleriň umumy möçberinde 10 müň 470 konteýner üstaşyr, 6 müň 450 eksport we 4 müň 400 import ýüklerine degişlidir.
Habarda bellenilişi ýaly, konteýner ýük daşamalarynyň giňden ulanylmagy Türkmenistanyň çäginden geçýän “Demirgazyk — Günorta”, “Lapis – Lazuli” hem-de “Gündogar — Günbatar” esasy halkara ulag ugurlary boýunça üstaşyr, import we eksport ýük dolanşygynyň artmagyna ýardam edýär hem-de sebit ýurtlary üçin goşmaça logistika mümkinçiliklerini döredýär.
2025-nji ýylyň ýanwar–noýabr aýlarynda Türkmenistanyň çäginden 19 müň konteýner ýük daşamasy amala aşyryldy.