Sport
Ýerewan—2026: Samboçylarymyz Dünýä Kubogynyň ilkinji gününde 3 medal gazandylar!
April 13, 2026 08:50 • UTC+5 (Ashgabat) • 11 views
Ermenistanyň paýtagty Ýerewan şäherinde geçirilýän Sambo boýunça Halkara Dünýä Kubogynda türkmen türgenleri uly üstünlik bilen başladylar. Ýaryşyň birinji gününde pälwanlarymyz 2 kümüş we 1 bürünç medaly eýeläp, milli ýygyndymyzyň abraýyny belende göterdiler.
Halkara Sambo Federasiýasy (FIAS) tarapyndan guramaçylykly geçirilýän Sambo boýunça Dünýä Kubogy dünýäniň iň güýçli samboçylaryny bir ýere jemledi. Türkmenistanyň ýygyndy topary ýaryşyň ilkinji gününde ajaýyp netijeler görkezdi.
Zenanlaryň arasyndaky söweş sambosynda (Combat Sambo) ildeşlerimiz aýgytlaýjy tutluşyklarda ýokary ussatlyk görkezdiler.Kurbanaý Kurbanowa (50 kg) we Zyba Orunowa (65 kg) öz agram derejelerinde diňe finalda utulyp, kümüş medallaryň eýesi boldular. Erkekleriň arasyndaky sport sambosynda bolsa Atanyýaz Amangeldiýew (88 kg) bürünç medal gazanmagy başardy.
Amul Info portaly ýeňiji bolan türgenlerimizi we olaryň tälimçiler düzümini tüýs ýürekden gutlaýar. Ýaryş dowam edýär we biz pälwanlarymyzdan täze ýeňişlere garaşýarys!