Zeýtun tohumlarynyň damarlary goraýan peýdaly aýratynlygy anyklandy

Laboratoriýa synaglarynda çig we gowrulan tohumlaryň ekstraktlarynyň täsirleri deňeşdirildi. Netijede, gowrulan zeýtun tohumlarynyň trombositleriň kollagen we fibrinogen ýaly beloklara ýapyşmagyna has güýçli päsgelçilik döredýändigi anyklandy. Bu beloklar ganyň gatamagynda möhüm rol oýnaýar. Alymlar düşündiriş berip, gan gatamagynyň organizmiň tebigy gorag mehanizmi bolup, ýaralanmalarda gan akmasyny togtatmaga kömek edýändigini belleýärler. Emma gan gaty köp gatasa — ýagny tromblar dörese — bu ýürek-damar keselçiligine, şol sanda insult we infarkt ýaly agyr ýagdaýlara sebäp bolup biler. Barlagda esasy peýdaly maddalaryň biri hökmünde izoramnetin atly flawonoid görkezildi. Bu birleşme diňe bir trombositleriň işjeňlik alamatlaryny peseltmän, eýsem tromb döreme wagtyny hem uzaldýar. Şeýle-de bolsa, alymlar bu barlagyň in vitro – ýagny diňe laboratoriýa şertlerinde, adam bedeniniň daşynda alnyp barylandygyny nygtaýarlar. Şonuň üçin bu netijeleri tassyklamak üçin adamda geçirilýän kliniki synaglara zerurlyk bardyr.