Bilim
Mugallymlaryň döredijilikli zähmeti sylaglandy
January 13, 2026 12:53 • UTC+5 (Ashgabat) • 24 views
Türkmenistanyň Bilim ministrliginde, ýurdumyzda milli bilim ulgamynda alnyp barylýan özgertmelere işjeň goşant goşýan pedagogik işgärler sylaglandy. Dabara türkmen ýaş neslini ylmy, bilimli we watansöýüji etmäge döredijilikli zähmet çekýän mugallymlaryň “Hormat haty” we ýadygärlik sowgatlary bilen sylaglanmagyna bagyşlandy.
12-nji ýanwarda Türkmenistanyň Bilim ministrliginde milli bilim ulgamynda göreldeli zähmet çekip, işjeňlik görkezen öňdebaryjy pedagogik işgärleri sylaglamak dabarasy geçirildi.
Dabaranyň dowamynda tapawutlanan pedagoglaryň uly toparyna Türkmenistanyň Bilim ministrliginiň «Hormat haty» we ýadygärlik sowgatlary gowşuryldy.
Ministrligiň resmi saýtynda habar berlişine görä, dabarada çykyş edenler bilim işiniň ähli tapgyrlarynda ýurdumyzyň mugallymlarynyň döredijilikli zähmetiniň ýaş nesli kemala getirmekde möhüm orun eýeleýändigini bellediler.
Öz gezeginde, sylaglanan bilim işgärleri bildirilen ýokary ynam we berlen goldaw üçin tüýs ýürekden minnetdarlyk bildirip, geljekde-de ýurduň geljegi ugrunda yhlasly zähmet çekjekdiklerine ynandyrdylar. Şeýle-de olar ýaş nesli okatmak we terbiýelemek üçin döredilýän giň mümkinçilikler üçin Türkmenistanyň ýolbaşçylaryna çuňňur hoşallyk bildirdiler.