Syýasat
Türkmenistanyň DIM-inde Rumyniýanyň ilçisi bilen duşuşyk geçirildi
February 3, 2026 16:42 • UTC+5 (Ashgabat) • 14 views
Türkmenistanyň DIM-niň orunbasary Ahmet Gurbanow Rumyniýanyň ilçisi Ion Nawalyň bilen duşuşyk geçirip, ikitaraplaýyn hyzmatdaşlyk meselelerini ara alyp maslahatlaşdylar. Taraplar ikitaraplaýyn saparlary we ýokary derejeli duşuşyklary geçirmegiň zerurdygyny nygtadylar.
Şu gün Türkmenistanyň daşary işler ministriniň orunbasary Ahmet Gurbanow bilen Rumyniýanyň Türkmenistandaky Adatdan daşary we Doly ygtyýarly ilçisi Ion Nawalyň arasynda duşuşyk geçirildi.
Duşuşygyň dowamynda taraplar ikitaraplaýyn hyzmatdaşlyk bilen bagly meseleleriň giň toplumyny ara alyp maslahatlaşdylar.
Taraplar ikitaraplaýyn saparlaryň, şeýle hem köptaraplaýyn meýdançalaryň çäklerinde ýokary we iň ýokary derejedäki duşuşyklaryň gurnamagyň zerurdygyny bellediler diýlip, Türkmenistanyň DIM-iniň saýtynda habar berilýär.
Daşary syýasat edaralarynyň arasynda syýasy geňeşmeleri, şeýle hem Ykdysady we ylmy-tehniki hyzmatdaşlyk boýunça bilelikdäki türkmen-rumyn hökümetara toparynyň mejlislerini we ikitaraplaýyn hyzmatdaşlygyň beýleki formatlaryny yzygiderli esasda geçirmegiň möhümdigi nygtaldy.
Duşuşygyň netijeleri boýunça söhbetdeşler Türkmenistanyň we Rumyniýanyň arasynda däp bolan dostlukly gatnaşyklary mundan beýläk-de pugtalandyrmaga hem-de netijeli hyzmatdaşlygy ösdürmäge bolan özara gyzyklanmalaryny tassykladylar.