Medeniýet
Sungatyň aýnasynda zenan keşbi: Aşgabatda baýramçylyk sergisi geçiriler
February 26, 2026 10:10 • UTC+5 (Ashgabat) • 23 views
Türkmenistanyň Şekillendiriş sungaty muzeýi 4–8-nji mart aralygynda «Şekillendiriş sungatynda zenan waspy» atly baýramçylyk sergisini geçirýär. Sergi Halkara zenanlar gününe bagyşlanyp, zenan gözelligini we döredijilik güýjüni wasp edýän eserleri jemlär.
4–8-nji mart aralygynda Türkmenistanyň Şekillendiriş sungaty muzeýi paýtagtymyzyň ýaşaýjylaryny we myhmanlaryny «Şekillendiriş sungatynda zenan waspy» atly mowzuklaýyn sergä çagyrýar.
Halkara zenanlar gününe bagyşlanan sergi milli ussatlaryň zenan gözelligini, näzikligini we döredijilikli güýjüni wasp edýän eserlerini bir ýere jemlär.
Sergi muzeýiň binasynda, Aşgabat şäheriniň A.Nowaýy köçesiniň 88-nji jaýynda geçiriler.
Goşmaça maglumat üçin şu telefon belgisi boýunça ýüz tutup bilersiňiz: 92-71-69.