Sanly bank ulgamy: Türkmenistanyň maliýe pudagynda täze eýýam başlanýar

Häzirki wagtda Türkmenistanyň bank ulgamynda düýpli özgertmeler amala aşyrylýar. Onlaýn we mobil bank hyzmatlary maliýe pudagynyň durnukly ösüşini üpjün edýän esasy güýje öwrülýär. Bu barada britan IT kompaniýasy bolan “Colvir Software Solutions” hünärmeni Denis Ýudin möhüm maglumatlary paýlaşdy. Bilermenleriň pikiriçe, häzirki zaman bank modelini sanly hyzmatlarsyz göz öňüne getirmek mümkin däl. Sanlylaşdyrma diňe bir amatlylyk däl, eýsem banklaryň müşderi binýadynyň giňelmegine we girdejileriniň artmagyna gönükdirilen strategik ädimdir. - Dessine we QR-töleg ulgamlarynyň geriminiň giňelmegi. - Hasaplaşyklary ýönekeýleşdirýän we ygtybarlylygy artdyrýan ISO 20022 standartlarynyň ornaşdyrylmagy. - Ilat we işewürlik üçin maliýe amallarynyň has-da ýönekeýleşdirilmegi. Ýakyn geljekde Türkmenistanyň banklarynda emeli aň (AI) esasyndaky çözgütleriň işjeňleşmegine garaşylýar. Emeli aňyň ornaşdyrylmagy: - Bank amallarynyň netijeliligini ýokarlandyrar. - Müşderilere hyzmat etmegiň hilini täze derejä çykarar. - Maglumatlary dolandyrmak we kiberhowpsuzlyk ulgamlaryny has-da berkider. Denis Ýudin sanlylaşdyrmanyň diňe bir "daşky" hyzmatlardan ybarat däldigini, eýsem banklaryň "içki" gurluşyny — maglumat goragyny we infrastrukturasyny hem öz içine alýandygyny nygtady. Bu bolsa bank ulgamynyň islendik daşky täsirlereden goraglylygyny üpjün edýär. “Colvir Software Solutions” barada: 2000-nji ýylda döredilen bu britan kompaniýasy dünýäniň öňdebaryjy banklary we maliýe guramalary üçin programma üpjünçiliklerini işläp taýýarlamakda uly tejribä eýedir.