Tehnologiýa
Gorag hyýaly: näme üçin parollary döretmegi emeli aňa ynanmaly däl?
February 23, 2026 09:17 • UTC+5 (Ashgabat) • 17 views
Emeli aň hakyky tötänleýin parollary döredip bilmeýär. Hünärmenler çat-botlaryň ýerine ygtybarly parol dolandyryjylaryny ulanmaga çagyrýarlar.
Irregular kompaniýasynyň hünärmenleri duýdurýarlar: ChatGPT, Gemini ýa-da Claude tarapyndan döredilen parollar howpsuz däl. Emeli aň hakyky tötänleýinlik däl-de, belli bir algoritmler esasynda işleýär. Geçirilen barlaglar 50 gezekden soň çat-botlaryň meňzeş parollary we gaýtalanmalary berip başlaýandygyny görkezdi. Beýle parollary döwmek örän aňsatdyr. Bilmenler Bitwarden ýa-da 1Password ýaly ýörite dolandyryjylary ýa-da Apple we Google-yň içki generatorlaryny ulanmagy maslahat berýärler.