Syýasat
Eýran Yslam Respublikasynyň Daşary işler ministri bilen telefon arkaly söhbetdeşlik barada
March 24, 2026 16:30 • UTC+5 (Ashgabat) • 33 views
Türkmenistanyň DIM ýolbaşçysy Raşid Meredow bilen Eýranyň DIM başlygy Abbas Arakçi telefon arkaly söhbetdeşlik geçirdi.
2026-njy ýylyň 23-nji martynda Türkmenistanyň Daşary işler ministri Raşid Meredow bilen Eýran Yslam Respublikasynyň Daşary işler ministri Abbas Arakçiniň arasynda telefon arkaly söhbetdeşlik geçirildi.
Söhbetdeşligiň başynda taraplar Nowruz baýramy bilen birek-biregi gutlap, iki ýurduň halklaryna rowaçlyk we abadançylyk arzuwlaryny beýan etdiler.
Şunuň bilen birlikde, A. Arakçi Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan Eýranyň çagalaryna iberilen ynsanperwer kömek üçin türkmen tarapyna minnetdarlygyny bildirdi hem-de bu hoşniýetli we ynsanperwer kömegiň ähmiýetini aýratyn nygtady.