Jemgyýet
Türkmenistan we Owganystan TOPH taslamasynyň durmuşa geçirilişine garadylar
January 27, 2026 08:21 • UTC+5 (Ashgabat) • 14 views
Türkmenistan bilen Owganystan TOPH (TAPI) gaz geçiriji taslamasynyň durmuşa geçirilişini ara alyp maslahatlaşdylar. Gaz geçirijiniň şu ýylyň ahyryna çenli Hyrat şäherine çenli tamamlanmagyna garaşylýar. Taslama Owganystana ýyllyk 1 mlrd dollardan gowrak girdeji getirer.
Türkmenistan bilen Owganystan Türkmenistan–Owganystan–Pakistan–Hindistan (TOPH) gaz geçiriji taslamasyny durmuşa geçirmek bilen bagly meseleleri ara alyp maslahatlaşdylar. Bu barada Türkmenistanyň Owganystandaky ilçisi Hoja Öwezow bilen Owganystanyň Magdan we nebit önümleri ministri Hidaýatulla Badriniň arasynda geçirlen duşuşykda nygtaldy.
Hoja Öwezow taslamanyň durmuşa geçirilişiniň häzirki tapgyry hem-de geljekde meýilleşdirilýän işler barada maglumat berdi. Bu barada “TOLOnews” agentligi ýekşenbe güni habar berdi.
Taraplar gaz geçirijiniň şu ýylyň ahyryna çenli Owganystanyň Hyrat şäherine çenli gurlup tamamlanmagyna umyt bildirdiler.
Gurluşyk tamamlanandan soň, Owganystan her ýyl 1 milliard ABŞ dollaryndan gowrak girdeji alar.