Syýasat
Türkmen-katar parlamentara hyzmatdaşlygy maslahatlaşyldy
February 17, 2026 11:21 • UTC+5 (Ashgabat) • 20 views
15-nji fewralda Türkmenistanyň Dohadaky ilçisi Myratgeldi Seýitmämmedow Katar Döwletiniň Konsultatiw geňeşiniň Türkmen-katar parlamentara dostluk toparynyň başlygy Ahmed bin Hitmi Al-Hitmi bilen duşuşdy. Taraplar parlamentara hyzmatdaşlygy ösdürmegi, kanunçylyk tejribelerini alyşmagy we geljekki ikitaraplaýyn taslamalary maslahatlaşdylar.
15-nji fewralda Türkmenistanyň Dohadaky ilçisi Myratgeldi Seýitmämmedow Katar Döwletiniň Konsultatiw geňeşiniň Türkmen-katar parlamentara dostluk toparynyň başlygy Ahmed bin Hitmi Al-Hitmi bilen duşuşdy. Bu barada Türkmenistanyň Dohadaky diplomatik wekilhanasy habar berdi.
Duşuşygyň dowamynda ilçi Türkmenistanda 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilendigini belledi. Şeýle hem ol ýurduň Garaşsyzlygynyň 35 ýyllygy mynasybetli geçiriljek halkara çäreler we ylmy maslahatlar barada gürrüň berdi.
Mundan başga-da, taraplar ikitaraplaýyn parlamentara dialogy ösdürmek, hyzmatdaşlyk strategiýasyny işjeňleşdirmek we iki ýurduň kanunçylyk işi baradaky tejribe alyşmak meseleleri boýunça pikir alyşdylar.