Jemgyýet
Daşoguz şäheriniň çäginde ýerleşýän kärhanalaryň, guramalaryň, edaralaryň hem-de hususy telekeçileriň, şeýle hem şäheriň ýaşaýjylarynyň dykgatyna!
March 3, 2026 19:31 • UTC+5 (Ashgabat) • 27 views
Daşoguzda boş iş orunlaryny hödürlemek üçin çäre: 5-nji martda 09:00–12:00 aralygynda Daşoguz şäheriniň zähmet we ilatyň iş bilen üpjünçiligi bölümi (10 ýyllyk köçesi, 1-nji “A” jaý) gatnaşýan kärhanalar we raýatlar bilen duşuşyk geçirýär.
Daşoguz şäheriniň zähmet we ilatyň iş bilen üpjünçiligi bölümi 2026-njy ýylyň 5-nji martynda Daşoguz şäheriniň 10 ýyllygy köçesiniň 1-nji “A” jaýynda ýerleşýän Daşoguz şäheriniň zähmet we ilatyň iş bilen üpjünçiligi bölüminiň edara binasynda sagat 09:00-dan 12:00-a çenli boş iş orunlarynyň ilata hödürleniş çäresini geçirýändigini habar berýär.
Kärhanalaryň, guramalaryň, edaralaryň hem-de hususy telekeçileriň özlerindäki boş iş orunlary baradaky maglumatlary bilen bilelikde agzalan çärä wekilleriniň gatnaşmaklaryny üpjün etmeklerini.
Işe ýerleşmek isleýän raýatlaryň bolsa, şahsyýetini tassyklaýan resminamasy, eger bar bolsa, zähmet depderçesi hem-de hünärini tassyklaýan resminamasy bilen agzalan çärä gatnaşmaklaryny haýyş edýäris.
Çäräniň geçiriljek ýeriniň salgysy: Daşoguz şäheriniň zähmet we ilatyň iş bilen üpjünçiligi bölüminiň edara binasy, Daşoguz şäheriniň Garaşsyzlygyň 10 ýyllygy köçesiniň 1-nji “A” jaýy.
Habarlaşmak üçin: (800322) 9-39-52.