«Maksada okgunly» kärhanasyndan täze önüm: Hindi towugynyň etinden paştet

Türkmenistanyň telekeçileri azyk bolçulygyny üpjün etmekde täze sepgitleri eýeleýärler. Ahal welaýatynyň Gökdepe etrabynda ýerleşýän «Maksada okgunly» hususy kärhanasy hindi towugynyň etinden paştet önümçiligini ýola goýdy. Täze önüm eýýäm sarp edijileriň gyzgyn islegine eýe boldy. Kärhana sarp edijilere hindi towugynyň etinden taýýarlanylan konserwirlenen gaplamalaryň üç görnüşini hödürleýär: - Ak etli budundan taýýarlanylan paştet; - Gyzyl etli döşünden taýýarlanylan paştet; - Süňkli gaplamalar (guşuň bokurdagyndan taýýarlanylan). Täze önümler 480 gramlyk amatly gaplarda sarp edijilere ýetirilýär. Kärhananyň düzüminde 23 gektar meýdany eýeleýän ýöriteleşdirilen hindi guşçulyk toplumy hereket edýär. Häzirki wagtda bu ýerde: - 12 müň 500-den gowrak hindi guşy idedilýär; - Guşuň etinden diňe bir paştet däl, eýsem şöhlat önümleri hem öndürilýär; - Doňdurylan somsa, börek, kotlet we manty ýaly ýarym taýýar önümler hem taýýarlanylýar. 1998-nji ýylda esaslandyrylan «Maksada okgunly» hususy kärhanasy Türkmenistanda hindi towugynyň etini senagat taýdan gaýtadan işläp başlan ilkinji kärhanadyr. Kärhananyň öndürýän ýokumly we berhizli et önümleri ýurdumyzyň ähli söwda nokatlaryna yzygiderli çykarylýar.