Ykdysadyýet
Owganystanyň kompaniýalary türkmen biržasynda gaz we karbamid satyn aldylar
February 13, 2026 15:50 • UTC+5 (Ashgabat) • 50 views
Türkmenistanyň Döwlet biržasynda geçirilen söwdalarda 10 million manatdan gowrak we 1,1 million ABŞ dollary möçberinde dört geleşik baglaşyldy. Owganystanyň kompaniýalary suwuklandyrylan gaz we karbamid satyn aldylar. Içerki bazarda polipropilen we plastik önümler boýunça geleşikler baglaşyldy.
12-nji fewralda Türkmenistanyň Döwlet haryt-çig mal biržasynda daşarky we içerki bazarlarda söwdalaşyklar geçirildi. Söwdalaryň netijesinde umumy bahasy 10 048 900,00 manada we 1 129 700,00 ABŞ-nyň dollaryna barabar bolan dört geleşik baglaşyldy.
Daşarky bazarda Owganystanyň işewürleri «Türkmenhimiýa» döwlet konserninden suwuklandyrylan gazy we «B» kysymly karbamidi satyn almak barada geleşikleri baglaşdylar.
Içerki bazarda ýerli telekeçiler «Türkmennebit» döwlet konserni bilen «TPP D 30 S» kysymly polipropileni satyn almak boýunça, şeýle hem hususy telekeçiler bilen plastik astlyklary satyn almak barada geleşik baglaşdylar.