Sport
Türkmen jiu-jitsuçylary Afinada 21 medal gazandy
September 13, 2025 16:40 • UTC+5 (Ashgabat) • 24 views
Türkmenistanyň jiu-jitsu ýygyndy topary 11–14-nji sentýabr aralygynda Gresiýanyň paýtagty Afinada geçirilýän 20-nji Balkanyň açyk çempionatynda üstünlikli çykyş edip, jemi 21 medal gazandy. Olaryň hatarynda 8 altyn, 6 kümüş we 7 bürünç medal bar diýip, Turkmenportal habar berýär.
Jelilmuhammet Hojamyradow 94 kg agram derejesinde “ne waza” we “no gi” (kimono dakylmaýan görnüş) görnüşlerinde iki gezek çempion boldy.
Hurma Abdyýewa hem ýokary netije gazanyp, 52 kg agramda “ne waza” we “no gi” görnüşlerinde iki altyn medal, “fighting” görnüşinde bir bürünç, şeýle-de 57 kg agramda goşmaça bürünç medal eýeledi.
Ýaryşlar 14-nji sentýabra çenli dowam edýär, Türkmenistanyň wekiliýeti bolsa 10–16-njy sentýabr aralygynda Afinada bolar.