Türkmen mekdep okuwçylarynyň işleri «Çäksiz sungat» atly ýapon sungat sergisinde görkezildi

2026-njy ýylyň 31-nji ýanwarynda Tokio şäheriniň Milli sungat merkezinde «Çäksiz sungat» atly mekdep okuwçylarynyň surat sergisine gatnaşyjylara minnetdarlyk hatlaryny gowşurmak dabarasy geçirildi. Bu barada Türkmenistanyň DIM-niň web-saýtynda habar berilýär. Agzalan dabara Ýaponiýada akkreditirlenen daşary ýurt döwletleriniň Ilçihanalarynyň wekilleri, «Ýaponiýa-Ýewraziýa» jemgyýetiniň, «SUMI» halkara assosiasiýasynyň ýolbaşçylary, görnükli sungat işgärleri we sergini synlamaga gelenler gatnaşdylar. «Çäksiz sungat» atly mekdep okuwçylarynyň sergisi 2026-njy ýylyň 22-nji ýanwary 1-nji fewraly aralygynda «Ýaponiýa-Ýewraziýa» jemgyýeti we «SUMI» halkara assosiasiýasynyň bilelikde gurnamagynda geçirildi. Sergä ýurdumyzyň zehinli ýaşlarynyň 26-sy gatnaşyp, olaryň çeken suratlary serginiň çäklerinde döredilen Türkmenistanyň diwarlygynda ýerleşdirildi. Ýokarda görkezilen dabaranyň jemleri boýunça ýurdumyzdan sergä gatnaşan ähli mekdep okuwçylaryna ýollamak üçin minnetdarlyk hatlary gowşuryldy.