Türkmenistanda Halkara zenanlar gününde näçe gün dynç alnar?

2026-njy ýylda Türkmenistanda Halkara zenanlar güni 8-nji mart, ýekşenbe gününe düşýär. Türkmenistanyň Zähmet kodeksiniň 81-nji maddasynyň 2-nji bölegine laýyklykda, resmi baýram güni ýekşenbe gününiň üstüne düşen ýagdaýynda, dynç güni ondan gelýän indiki iş gününe — duşenbe gününe geçirilýär. Zähmet kodeksiniň 81-nji maddasyna görä, 8-nji mart — Halkara zenanlar güni resmi baýramçylyk güni bolup, şol gün kärhanalarda, guramalarda we edaralarda iş duruzylýar. Şunlukda, ýurduň ýaşaýjylary yzygiderli iki gün dynç alarlar: - 8-nji mart, ýekşenbe; - 9-nji mart, duşenbe. Iş hepdesi bolsa sişenbe güni, 10-njy martda başlanar. 2026-njy ýyl üçin önümçilik senenamasy:- 40 sagatlyk iş hepdesi üçin — 166,9 sagat; - 36 sagatlyk iş hepdesi üçin — 150,5 sagat. 2026-njy ýylda dynç güni diýlip ylan edilen baýramçylyk günleri:- 1-nji ýanwar – Täze ýyl; - 8-nji mart – Halkara zenanlar güni; - 20-nji mart – Oraza baýramy; - 21-22-nji mart – Milli bahar baýramy; - 18-nji maý – Türkmenistanyň Konstitusiýasynyň we Döwlet baýdagynyň güni; - 27, 28, 29-njy maý – Gurban baýramy; - 27-nji sentýabr – Garaşsyzlyk güni; - 6-njy oktýabr – Hatyra güni; - 12-nji dekabr – Halkara Bitaraplyk güni.