Sport
Ýaş eminleri taýýarlamak boýunça okuw maslahatyna badalga berildi
March 3, 2026 19:41 • UTC+5 (Ashgabat) • 25 views
Türkmenistanyň Futbol federasiýasy bilen TDBedSI-niň bilelikde guramagynda ýaş eminleri taýýarlamak boýunça okuw maslahatyna badalga berildi. 30 talyp eminligiň inçe tilsimlerini hünärmenlerden öwrenýär. Okuwy tamamlanlar geljekde çempionatlarda we futzal ligasynda eminlik edip biler.
Golaýda Türkmenistanyň Futbol federasiýasy bilen Türkmen döwlet bedenterbiýe we sport institutynyň bilelikde guramagynda ýaş eminleri ýüze çykarmak hem-de taýýarlamak boýunça okuw maslahatyna badalga berildi.
Institutyň okuw binasynda geçirilýän bu okuw maslahatyna eminlik ýoluny saýlap alan 30-a golaý talyp gatnaşýar. Olar eminligiň inçe tilsimlerini TFF-niň eminler bölüminiň başlygy Çarymyrat Gurbanowdan, federasiýanyň futzal boýunça hünärmeni Wadim Baratowdan hem-de institutyň baýry mugallymy, halkara derejeli emin Kakabaý Seýdowdan öwrenýärler.
Okuwy üstünlikli tamamlan ýaşlar geljekde ýurdumyzyň futbol çempionatynda, Kubok ýaryşlarynda hem-de Naýbaşy futzal ligasynda eminlik etmäge mümkinçilik alarlar.