DeepSeek iri AI modellerini arzan enjamda işletmäge mümkinçilik berýän täze tehnologiýany tanyşdyrdy

Hytaýyň DeepSeek kompaniýasy açyk agramly (open-weight) iň güýçli emeli aň modelleriniň birnäçesini dörediji hökmünde täze tehnologiýany hödürledi. Bu çözgüt iri AI modellerini has arzan we elýeterli enjamda işletmäge mümkinçilik berýär. Kompaniýanyň esaslandyryjysy Lýan Wenfen tarapyndan badalga berlen ylmy barlag emeli aňda ýadyň ulanylyşyna täzeçe çemeleşmäni teklip edýär. Maksat — gymmat GPU wideoýadynyň sarp edilişini ep-esli azaltmak. Esasy täzelik «şertli ýat» (conditional memory) tehnologiýasydyr. Bu usul modeliň «logikasyny» we «bilimini» biri-birinden aýyrýar we maglumatlaryň köp bölegini arzan enjamda saklamaga mümkinçilik berýär. DeepSeek Engram atly bu tehnologiýanyň açyk koduny hem neşir etdi. Bu çözgüt bilim köp bolan meselelerde ýokary öndürijiligi üpjün edýär.