Bilim
Türkmenistanyň we Gazagystanyň ÝOM-lary halkara reýtinglere girmek mümkinçiliklerini ara alyp maslahatlaşdylar
March 11, 2026 08:40 • UTC+5 (Ashgabat) • 24 views
Magtymguly adyndaky Türkmen döwlet uniwersiteti bilen Gazagystanyň L.N. Gumilýow adyndaky Ýewraziýa milli uniwersitetiniň professor-mugallymlary wideoaragatnaşyk arkaly duşuşyk geçirip, ýokary okuw mekdepleriniň halkara bilim reýtinglerine girmek mümkinçiliklerini ara alyp maslahatlaşdylar.
Magtymguly adyndaky Türkmen döwlet uniwersiteti bilen L.N.Gumilýow adyndaky Ýewraziýa milli uniwersitetiniň (Gazagystan Respublikasy) professor-mugallymlarynyň gatnaşmagynda wideoaragatnaşyk arkaly duşuşyk geçirildi.
TDU-nyň resmi saýtynda habar berlişi ýaly, duşuşyk hyzmatdaşlyk we özara kömek bermek baradaky ähtnamanyň çäginde guraldy.
Duşuşygyň dowamynda gatnaşyjylar öz ýokary okuw mekdepleriniň halkara bilim reýtinglerine girmek mümkinçiliklerini ara alyp maslahatlaşdylar.
L.N.Gumilýow adyndaky Ýewraziýa milli uniwersiteti dünýäniň öňdebaryjy ýokary okuw mekdepleriniň hataryna girýär we «QS World University Rankings 2025» reýtinginde 321-nji orny eýeleýär.
Magtymguly adyndaky Türkmen döwlet uniwersiteti bolsa 2025-nji ýylda abraýly «Impact Rankings 2025» global reýtingine, 2026-njy ýylda bolsa «habarçy» derejesi bilen «THE World University Rankings 2026» sanawyna girizildi.