Aşgabatda Hytaýyň "Tanklary" tanyşdyryldy: Hemme ýere ýetýän we hemmeleri haýran galdyrýan täze modeller

Aşgabatda geçirilýän «Hyzmatdaşlyk we ösüş» atly halkara sergisiniň dowamynda Hytaýyň meşhur «Great Wall Motors» (GWM) kompaniýasynyň premýum klasyna degişli bolan TANK 300, TANK 500 we Haval kysymly awtoulaglary uly gyzyklanma döretdi. Tehniky artykmaçlyklar we amatlyklar GWM kompaniýasynyň Türkmenistandaky satuw hünärmeni Mered Orazowyň bellemegine görä, bu awtoulaglaryň esasy aýratynlygy olaryň berk ramaly gurluşy we iki gatly aýnalarydyr. Bu bolsa ulaglaryň çydamlylygyny we ses goraýyş ukybyny has-da ýokarlandyrýar. Awtoulaglar sürüjiler we ýolagçylar üçin ýokary amatlyklar bilen üpjün edilipdir: - Oturgyçlaryň massaž we wentilýasiýa ulgamy; - Ähli oturgyçlaryň gyzdyryş funksiýasy; - Öňki aýnanyň ýörite spirallar arkaly gyzdyrylmagy; - Ýokary geçijilik ukyby (modelleriň 90%-i doly çekijidir). Hyzmat we kepillik Häzirki wagtda täze satyn alnan awtoulaglara 3 ýyllyk kepillik berilýär. Müşderilere ýokary hilli hyzmat etmek maksady bilen, Aşgabat we Mary şäherlerinde ýöriteleşdirilen serwis merkezleri eýýäm işläp başlady. Nagt hasaplaşykdan daşary, ýakyn wagtda awtoulaglary karz (kredit) ulgamy arkaly satyn almak mümkinçiliginiň hem döredilmegine garaşylýar. Türkmenistandaky orny we geljegi Hytaýyň awtomobil senagatynyň Türkmenistandaky geljegi barada aýdylanda, hünärmenler öňümizdäki 2-3 ýylyň içinde bu ulaglaryň bazardaky paýynyň ep-esli artjakdygyny çaklaýarlar. Sebäbi olar hil we nyrh taýdan beýleki dünýä brendlerinden pesde durmaýarlar. Kuwwatlylyk we tizlik - P2 gibrid ulgamy: 2.0 litrlik turbo dwigatel, 9HAT transmissiýasy we elektrik dwigateli bilen utgaşyp, jemi 300 kW kuwwat we 750 N·m aýlaw pursadyny berýär. - Tizlik: Awtoulag 0-dan 100 km/s tizlige bary-ýogy 6,9 sekuntda ýetýär. Tygşytlylyk we aralyk - Ýangyç sarp edilişi: Gibrid tertibinde 100 km üçin bary-ýogy 2,2 litr, diňe benzin bilen bolsa 9,55 litr ýangyç sarp edýär. - Aragatnaşyk aralygy: Diňe elektrik güýji bilen 110 km, umumylykda bolsa 790 km ýoly bir gezekde geçip bilýär. Göwrümi we gurluşy - Ölçegleri: Uzynlygy 5078 mm, ini 1934 mm we beýikligi 1905 mm bolup, 5 adamlyk (2+3) giň salony bar. - Şassisi: Berktutawaçly (neneýuşiý) gurluş, öň tarapy goşa kese ryçagly, yzy bolsa köp ryçagly garaşsyz podweska bilen üpjün edilen. Howpsuzlyk we off-road mümkinçilikleri - Intellektual doly çekiji: Elektrik, gibrid we akylly sürüş tertipleri bar. - Geçijilik: Ähli ýerlere uýgunlaşan (Vezdehod) ulgamy, merkezi Mlock gulpy we yzky aksyň differensial gulpy iň kyn ýollarda hem ynamly hereket etmäge kömek edýär. - Gorag: Akkumulýator we ulag urgydan, çaknyşmadan, otdan we suwa gark bolmakdan ýörite gorag ulgamy bilen üpjün edilen. Bu tehniki häsiýetnamalar TANK 500-iň häzirki zaman gibrid tehnologiýalaryny hakyky ýolsuzlyk (off-road) ukyplary bilen birleşdirýändigini görkezýär. Great Wall Motors barada gysgaça: - Dünýäniň iň iri 5 awto öndürijisiniň biridir; - Ýylda 2,5 milliondan gowrak ulag satýar; - Türkmenistanda geçen ýylyň fewralyndan bäri 60-dan gowrak ulag satyldy (döwlet edaralary, hususy kärhanalar we raýatlar tarapyndan). Habarlaşmak üçin Gyzyklanma bildirýän raýatlar we edaralar Aşgabat şäherindäki serwis merkezine ýüz tutup bilerler: - Salgy: G. Gulyýew köçesi, 38-nji jaý («Ojar Aziýa» binasy). - Telefon: +993 (62) 55-50-05.