Nazary mehanika boýunça V açyk halkara internet olimpiadasy talyp ýaşlara garaşýar

Türkmenistanyň Döwlet energetika instituty talyp ýaşlary 24—28-nji mart aralygynda geçiriljek «Nazary mehanika» dersi boýunça V açyk halkara internet olimpiadasyna gatnaşmaga çagyrýar. Oňa ýurdumyzdan hem-de daşary döwletlerden bolan talyp ýaşlar gatnaşyp bilerler. Olimpiada şahsy we toparlaýyn bäsleşikler görnüşinde geçirilýär. Açyk halkara internet olimpiadasynyň resmi iş dilleri – türkmen, rus we iňlis dilleri. Bäsleşige islendik hünärde we islendik ýylda okaýan talyplar gatnaşyp bilerler. Onuň şahsy görnüşine her ýokary okuw mekdebinden sany 10-dan (ondan) köp bolmadyk talyp, toparlaýyn görnüşine düzümi 5 (bäş) talypdan köp bolmadyk 1 (bir) ýa-da 2 (iki) topar gatnaşyp biler. Mundan başga-da, birnäçe ýokary okuw mekdepleriniň birleşmeginden hem bir ýygyndy topar düzülip bilner. Toparlaýyn hem-de şahsy bäsleşikleriň ýumuşlary olimpiadanyň geçirilýän güni institutyň «tdei.edu.tm» web sahypasynyň ýörite bölümine goýular. Bäsleşigiň geçiriliş tertibi: şahsy bäsleşige gatnaşyjylar 8 (sekiz) mesele çözerler. Meseleleri çözmäge beriljek wagt – 240 minut; toparlaýyn bäsleşige gatnaşyjylar «Nazary mehanika» dersiniň dürli bölümlerine degişli 5 (bäş) meseläni çözmeli bolarlar. Meseleleri çözmäge beriljek wagt – 60 minut; bäsleşigiň gidişine Zoom programmalary arkaly gözegçilik ediler. «Nazary mehanika» dersi boýunça V Açyk halkara internet olimpiadasyna gatnaşmaga isleg bildirýän ýokary okuw mekdepleriniň talyplary we olaryň ýolbaşçy mugallymlary baradaky maglumatlary hasaba almak institutyň «tdei.edu.tm» web sahypasynda 15-nji marta çenli dowam edеr. Olimpiadanyň geçiş tertibi: (Aşgabat wagty bilen) 24.03.2026 ý. 10:00 – Internet olimpiadasynyň açylyşy. 11:00 – Şahsy bäsleşik. 15:00 – 15:30 – Meseleleriň çözüwlerini ýokary hilli suratda (pdf) ugratmak. 18:30 – Meseleleriň çözüwleri bilen tanyşdyrmak. 25.03.2026 ý. 11:00 – Toparlaýyn bäsleşik. 12:00–12:30 – Meseleleriň çözüwlerini ugratmak. 15:00 – Toparlaýyn bäsleşigiň netijelerini yglan etmek. 26.03.2026ý. – 27.03.2026ý. – Şahsy bäsleşigiň meseleleriniň çözüwlerini barlamak. – Şahsy bäsleşigiň deslapky netijelerini yglan etmek. 28.03.2026ý. 10:00 – Şahsy bäsleşigiň ahyrky netijelerini yglan etmek. 11:00 – Ýeňijileri yglan etmek we sylaglamak. 12:00 – Internet olimpiadasynyň ýapylyşy. Habarlaşmak üçin: tel.: +800 522 5-75-02, +993 64681023, +993 64207444 e-mail: tdei@tdei.edu.tm, energetikatdei@gmail.com