Jemgyýet
Türkmenistanda alkogol we temmäki önümleriniň dolanyşygy üçin jogapkärçilik güýçlendirildi
April 17, 2026 19:18 • UTC+5 (Ashgabat) • 8 views
2026-njy ýylyň 1-nji maýyndan başlap, Türkmenistanda akiz markasy bolmadyk ýa-da degişli ygtyýarnamasyz (lisenziýasyz) alkogol we temmäki önümleriniň dolanyşygy üçin jerimeler düýpli ýokarlandyrylýar. Täze kadalara görä, bikanun önümçilik we söwda bilen meşgullanýan ýuridiki şahslar üçin jerime 100 binýatlyk mukdara çenli ýetip biler we harytlaryň döwletiň haýryna geçirilmegi (konfiskasiýa) göz öňünde tutulýar.
2026-njy ýylyň 1-nji maýyndan başlap, Türkmenistanyň Prezidenti Serdar Berdimuhamedowyň gol çeken täze kanuny güýje girýär. Bu kanun esasynda akiz markasy bolmadyk ýa-da ygtyýarnamasyz (lisenziýasyz) önüm dolanyşygy üçin jerimeler düýpli artdyryldy.
Esasy üýtgetmeler we täze jerimeler (315-nji madda):1. Akiz markasyz (belgisiz) önümler (3-nji bölek): Alkogolly we temmäki önümlerini degişli belgilersiz satmak, saklamak ýa-da daşamak üçin:
- Fiziki şahslara: 3-den 5 binýatlyk mukdara çenli (öň bäşe çenlidi).
- Wezipeli şahslara: 10 binýatlyk mukdardan başlap (öň 5-di).
- Ýuridiki şahslara: 20 binýatlyk mukdardan başlap (öň 10-dy).
2. Ygtyýarnamasyz (lisenziýasyz) dolanyşyk (Täze 5-nji bölek): Alkogol, piwo we temmäki önümlerini ygtyýarnamasyz öndürmek, saklamak ýa-da satmak üçin:
- Fiziki şahslara: 6-dan 8 binýatlyk mukdara çenli.
- Ýuridiki şahslara: 30-dan 50 binýatlyk mukdara çenli.
- Goşmaça: Harytlar döwletiň haýryna geçirilip (konfiskasiýa) bilner.
3. Gaýtalanan düzgün bozulmalary (Täze 6-njy bölek): Eger ýokardaky düzgün bozma bir ýylyň dowamynda gaýtalansa:
- Fiziki şahslara: 10-dan 15 binýatlyk mukdara çenli.
- Ýuridiki şahslara: 60-dan 100 binýatlyk mukdara çenli.