Jemgyýet
Gazagystan Türkmenistan bilen serhetdäki “Žanaozen” awtoulag ýoluny giňelder
March 4, 2026 17:25 • UTC+5 (Ashgabat) • 22 views
Gazagystan Türkmenistan bilen serhetdäki “Žanaozen” awtoulag ýoluny dört zolakly hereket üçin giňeltmegi meýilleşdirýär. Taslamanyň tehniki-ykdysady esaslandyrmasy taýýarlanylýar, işleri 2026-njy ýylda tamamlamak göz öňünde tutulýar.
Gazagystanyň Türkmenistan bilen serhedinde ýerleşýän “Žanaozen” awtomobil ýolunyň bölegini dört zolakly hereket üçin giňeltmek meýilleşdirilýär. Bu barada 3-nji martda geçirilen Gazagystanyň hökümet mejlisinde ýurduň ulag ministri Nurlan Sauranbaýew habar berdi.
“Zakon.kz” neşiriniň habar bermegine görä, Nurlan Sauranbaýew “Türkmenistan – Russiýa” ulag geçelgesiniň bir bölegi bolan bu meýdançada ýoly giňeltmek boýunça taslamanyň tehniki-ykdysady esaslandyrmasyny işläp taýýarlamak boýunça işleriň eýýäm başlanandygyny aýtdy.
Habarda bellenilişi ýaly, bu ugur boýunça işleriň 2026-njy ýyla tamamlanmagy meýilleşdirilýär.
Žanaozen şäherini türkmen-gazak serhedi bilen baglanyşdyrýan awtomobil ýolunyň uly möçberli abatlaýyş işleri 2025-nji ýylyň awgust aýynda başlandy.