Jemgyýet
Türkmenistanyň DIM-inde Malaýziýanyň Ilçisi bilen duşuşyk geçirildi
February 5, 2026 07:57 • UTC+5 (Ashgabat) • 12 views
Türkmenistanyň Daşary işler ministrliginde Malaýziýanyň Türkmenistandaky Ilçisi bilen duşuşyk geçirildi. Duşuşykda ikitaraplaýyn hyzmatdaşlygyň häzirki ýagdaýy we halkara guramalarynyň çäklerindäki özara gatnaşyklar ara alnyp maslahatlaşyldy.
2026-njy ýylyň 4-nji fewralynda Türkmenistanyň Daşary işler ministriniň orunbasary Mähri Bäşimowa bilen Malaýziýanyň Türkmenistandaky Adatdan daşary we Doly ygtyýarly Ilçisi Mohd Suhaimi Bin Ahmad Tajuddiniň arasynda duşuşyk geçirildi.
Duşuşygyň dowamynda taraplar türkmen-malaýziýa hyzmatdaşlygynyň häzirki ýagdaýyny we geljekki ösüş ugurlaryny ara alyp maslahatlaşdylar.
Şeýle-de halkara guramalarynyň çäklerindäki hyzmatdaşlyk meselelerine, şol sanda köptaraplaýyn meýdançalarda iki ýurduň başlangyçlaryny we dalaşgärliklerini özara goldamak tejribesiniň ähmiýetine aýratyn üns berildi.