Tehnologiýa
15 sekuntda ýyldyz boluň: Suno v5.5 siziň sesiňizde aýdym aýtmagy öwrendi
March 31, 2026 13:13 • UTC+5 (Ashgabat) • 104 views
Mukamlar dünýäsinde rewolýusiýa! Täze Suno v5.5 siziň öz sesiňizde aýdym aýtmagy öwrendi. Indi bary-ýogy 15 sekuntlyk ses ýazgysy arkaly emeli aňy şahsy saz studiýasyna öwrüp we öz sesiňizde täze hitleri döredip bilersiňiz.
Suno sazçylyk emeli aň platformasy öz taryhyndaky iň garaşylýan täzeligi hödürledi. Täze v5.5 wersiýasynda ulanyjynyň sesini meňzetmäge (klonlamaga) mümkinçilik berýän Voices funksiýasy peýda boldy. Indi öz sesiňiziň gysgaça ýazgysyny (15 sekuntdan başlap) ýükleseňiz, neýroulgam hut siziň sesiňizde doly göwrümli aýdymlary döredip berer.
Howpsuzlyk meselelerine aýratyn üns berildi: sesiň ogurlanmazlygy üçin Suno ýörite barlag (werifikasiýa) ulgamyny girizdi. Şeýle hem, täze täzelenmede şahsy sazyňyzy döretmek üçin Custom Models we siziň saýlaýan žanrlaryňyza görä işleýän My Taste gurallary bar. 2 million tölegli abunaçysy bolan Suno indi diňe bir generator däl, eýsem dünýä derejesindäki şahsy saz studiýasyna öwrülýär.
Material «Amul Info» tehnologiýa redaksiýasy tarapyndan Suno v5.5 neşiriniň maglumatlary esasynda taýýarlandy.