Täze okuw ýylynyň öňüsyrasynda mekdepler 137 müň “Bilimli” noutbuk bilen üpjün edildi

Bu işi üstünlikli amala aşyran: - “Aýdyn gijeler” hojalyk jemgyýeti — Türkmenistanyň Senagat we gurluşyk önümçiligi ministrliginiň garamagynda hereket edýär; - “Agzybirlik tilsimaty” bilelikdäki kärhanasy — Söwda we daşary ykdysady aragatnaşyklar ministrliginiň Kompýuter aragatnaşyklary merkezi bilen hyzmatdaşlykda hereket edýär. Noutbuklaryň paýlanyşy:“Aýdyn gijeler” tarapyndan öndürilen 68 527 sany noutbuk: - Daşoguz welaýaty — 32 276 sany - Balkan welaýaty — 10 731 sany - Mary welaýaty — 25 520 sany “Agzybirlik tilsimaty” tarapyndan öndürilen 68 527 sany noutbuk: - Lebap welaýaty — 24 376 sany - Ahal welaýaty — 19 543 sany - Mary welaýaty — 7 154 sany - Aşgabat şäheri — 16 954 sany - Arkadag şäheri — 500 sany Tehniki aýratynlyklar:Bu ýylky “Bilimli” noutbuklarynyň tehniki üpjünçiligi öňki ýyllar bilen deňeşdirilende ep-esli ýokarlandyryldy: - Operasion ulgam: Android 14.0+Google hyzmatlarynyň ýerine indi Android 15.0+Google hyzmatlary ornaşdyryldy. - RAM (ýatda saklaýjy): DDR4 4 GB-dan DDR4 6 GB-a çenli ýokarlandyryldy. - Wi-Fi & Bluetooth: Wi-Fi 802.11b/g/n + Bluetooth 4.0 bilen üpjün edildi. Bilim maksatly programma üpjünçiligi:“Bilimli” noutbuklarynyň esasy aýratynlygy onuň bilim maksatly ýörite programmalar bilen üpjün edilmegidir. Olar okuwçylar üçin interaktiw öwreniş mümkinçiliklerini döredýär: - Älemgoşar - Kitaphana - Döwlet nyşanlary - English - Elipbiý - Meniň Watanym - Şekilli aýdymlar Bu programmalaryň üsti bilen çagalar ýazuw, hasap, ýol hereketiniň düzgünleri ýaly möhüm endiklere oýun görnüşinde eýe bolýarlar.