"Mançester Ýunaýted" APL-niň bäşinji tapgyrynda "Çelsi" toparyny ýeňdi

Oýnuň gidişi: Duşuşyk ilkinji minutlardan dartgynly başlandy – eýýäm 5-nji minutda "Çelsi" toparynyň derwezebany Robert Sançes göni gyzyl kartoçka alyp, meýdançadan çykaryldy. Bu waka oýnuň gidişine uly täsir ýetirdi. 14-nji minutda "Mançester Ýunaýted" toparynyň kapitany Bruno Fernandes hasaby açdy. 37-nji minutda bolsa Kazemiro ikinji goly geçirip, toparynyň artykmaçlygyny artdyrdy. Şeýle-de bolsa, birinji ýarymynyň soňunda "Ýunaýted" hem bir oýunçysyny ýitirdi – Kazemiro 45+5-nji minutda ikinji sary kartoçkasyny alyp, gyzyl kartoçka bilen meýdançadan çykaryldy. Ikinji ýarymda "Çelsi" topary ýagdaýy dikeltmäge synanyşdy. 80-nji minutda Trewo Çaloba hasaby 2:1-e getirdi. Emma bu gol londonlylary halas edip bilmedi. Tälimçiniň hereketleri: "Çelsi" toparynyň baş tälimçisi Enso Mareska derwezebanyň çykarylmagy bilen çalt reaksiýa bildirdi. 6-njy minutda Estewanyň ýerine ätiýaçdaky derwezeban Filip Ýorgensen meýdança çykdy. 7-nji minutda Tosin Adarabioýo Pedro Netony çalyşdy, 21-nji minutda bolsa Andreý Santos Koul Palmeriň ýerine meýdança çykdy. Turnir tablisasyndaky ýagdaý: Bu ýeňiş "Mançester Ýunaýted" üçin möwsümdäki ikinji ýeňiş boldy. Topar 7 utuk bilen APL-niň tablisasynda 9-njy orna geçdi. "Çelsi" bolsa 8 utuk bilen 6-njy orunda ýerleşýär. Bu olaryň möwsümdäki ilkinji ýeňlişidir (2 ýeňiş, 2 deňlik). Indiki tapgyr: 27-nji sentýabrda "Mançester Ýunaýted" myhmançylykda "Brentford" bilen duşuşar, "Çelsi" bolsa öz meýdançasynda "Braýtony" kabul eder.