Jemgyýet
Hindistanyň Aşgabatdaky ilçihanasy türkmen ýaşlaryny Hindistana sapara çagyrýar
March 4, 2026 16:38 • UTC+5 (Ashgabat) • 25 views
Hindistanyň Aşgabatdaky ilçihanasy türkmen ýaşlaryny 2026-njy ýylyň 24-nji marty — 2-nji apreli aralygynda Hindistana tanyşlyk saparyna çagyrýar. Gatnaşmak üçin 15–29 ýaş aralygynda, iňlis dilini bilýän we ýokary üstünlik gazanan Türkmenistanyň raýatlary ýüz tutup bilerler.
Hindistanyň Aşgabatdaky ilçihanasy Türkmenistanyň zehinli ýaşlaryny 2026-njy ýylyň 24-nji marty — 2-nji apreli aralygynda geçiriljek Merkezi Aziýanyň ýaşlar wekilýetiniň Hindistana tanyşlyk saparyna gatnaşmaga çagyrýar.
Dalaşgärler aşakda görkezilen talaplara laýyk gelmelidir:
Türkmenistanyň raýaty bolmaly;
Ýaşy 15-den 29-a çenli bolmaly;
Ýokary akademiki ýa-da hünär üstünligi bolmaly;
Iňlis dilini erkin bilmeli;
Sagdyn we syýahat etmäge taýýar bolmaly.
Saýlama tapgyrdan geçen dalaşgär üçin aşakdaky şertler tölegsiz üpjün ediler:
Halkara uçar petegi;
Hindistanda ýaşajak ýeri we iýmiti;
Hindistanyň çägindäki ulag hyzmatlary.
Bellige aldyrmak üçin öz rezýumeňizi we pasportyňyzyň nusgasyny 2026-njy ýylyň 5-nji martyna çenli com.ashgabat@mea.gov.in elektron salgysyna ibermegiňizi haýyş edýäris.