Dünýä
Forbes Beýonseni milliarderlaryň sanawyna goşdy
December 30, 2025 10:45 • UTC+5 (Ashgabat) • 27 views
Forbes amerikan aýdymçysy Beýonseni girdejisi 1 milliard dollardan geçen milliarderleriň sanawyna goşdy. Ol bu derejä 2024-nji ýylda çykan Cowboy Carter albomy hem-de ýylyň iň girdejili konsert turi arkaly ýetdi.
Amerikaly aýdymçy Beýonse girdejisi bir milliard dollardan geçen Forbes sanawyndaky bäşinji sazanda boldy.
Report neşiri Forbes reýtingine salgylanyp habar berşi ýaly, Beýonse bu täze derejesine 2024-nji ýylda çykan Cowboy Carter albomy hem-de şu ýylyň «iň uly girdeji getiren gezelenç konserti » arkaly ýetdi.
Umuman alanyňda, milliarderlaryň sanawyna 22 artist girýär. Olaryň bäşisi sazandalar bolup, olaryň hatarynda Beýonseniň adamsy Jay-Z, Brýus Springstin, Rianna hem-de Teýlor Swift bar.
Beýonse soňky iki onýyllygyň dowamynda ABŞ-da iň meşhur we täsirli ýerine ýetirijileriň biri hasaplanýar. Onuň 200 milliondan gowrak ýazgysy satyldy. Şeýle hem ol abraýly «Gremmi» baýragyny 32 gezek gazanyp, bu görkeziji boýunça beýleki ähli artistlerden öňde durýar.