Jemgyýet
Günorta Koreýa raýatlarynyň Eýrandan çykarylmagyndaky ýardam üçin Türkmenistana minnetdarlyk bildirdi
March 10, 2026 09:21 • UTC+5 (Ashgabat) • 18 views
Lee Jae-myung Türkmenistanyň Prezidenti Serdar Berdimuhamedowa Eýrandan Günorta Koreýa raýatlarynyň çykarylmagyna berlen ýardam üçin minnetdarlyk bildirdi. Türkmenistanyň üsti bilen 25 koreýaly raýat we olaryň maşgala agzalary bolan 4 eýranly howpsuz ýagdaýda ýurduň çägine geçdi.
Koreýa Respublikasynyň Prezidenti Li Çje Mýon ýurduň raýatlaryny Eýrandan çykarmakda ýardam berendigi üçin Türkmenistanyň Prezidenti Serdar Berdimuhamedowa minnetdarlyk hatyny iberdi. Bu barada Koreýa Respublikasynyň Prezident administrasiýasy Çhonwade salgylanyp, “The Korea Times” agentligi duşenbe güni habar berdi.
Hatda bellenilişi ýaly, türkmen tarapy bilen hyzmatdaşlygyň netijesinde Eýrandaky Günorta Koreýanyň 25 raýaty, şeýle hem koreýalylaryň maşgala agzalary bolan Eýranyň dört raýaty geçen hepde serhedi howpsuz geçip, Türkmenistanyň çägine bardylar.
Li Çje Mýon raýatlarynyň Eýrandan çykarylýan döwründe Türkmenistanyň beren goldawynyň iki ýurduň arasyndaky dostlugyň we ynamyň ýokary derejesini tassyklaýandygyny aýtdy.
Şeýle hem Merkezi Aziýa döwletleri, Hytaý, Russiýa, ABŞ, Finlýandiýa, Şwesiýa, Niderlandlar, Germaniýa, Türkiýe, Saud Arabystan ýaly 16 ýurtdan 200-den gowrak adam goňşy Eýrandan Türkmenistana girdi.