«Turkish Airlines» Stambul — Aşgabat ugry boýunça gatnawlaryň sanyny hepdede 20-ä ýetirýär

Şu ýylyň 20-nji aprelinden Türkmenistan bilen Türkiýe Respublikasynyň arasyndaky howa aragatnaşygy täze tapgyra gadam basyp, gatnawlaryň ýygylygy has-da artdyrylýar. Täze meýilnama laýyklykda, Stambul — Aşgabat — Stambul ugry boýunça hepdelik uçuşlaryň sany 20-ä ýetirildi. Bu bolsa ýolagçylar üçin has amatly we çeýe syýahat mümkinçiliklerini döredýär. Goşmaça gatnawlaryň tertibi Islegiň artmagy sebäpli, adaty gündelik uçuşlara goşmaça hökmünde hepdede üç gün täze gatnawlar goşuldy: - Duşenbe, çarşenbe we şenbe günleri goşmaça uçuşlar Stambuldan sagat 16:30-da ugrar, Aşgabatdan bolsa yzyna sagat 23:30-da uçar. Esasy gatnawlaryň wagty Gündelik amala aşyrylýan esasy uçuşlar öňküsi ýaly dowam eder: - Stambuldan uçuş: Sagat 01:10 we 20:15. - Aşgabada gonuş: Sagat 06:50 we 01:55. - Aşgabatdan yzyna uçuş: Sagat 08:10 we 03:15. Şeýle hem, sişenbe, anna we ýekşenbe günleri Türkiýeden sagat 14:15-de gelýän we paýtagtymyzdan sagat 21:10-da ugraýan gatnawlar hem öz güýjünde galar. Gatnawlaryň köpeldilmegi diňe bir iki ýurduň arasyndaky göni gatnaşyklary däl, eýsem tranzit syýahatçylary üçin hem amatly wagt aralyklaryny hödürleýär. Bu ädim Türkmenistan bilen Türkiýäniň arasyndaky ýolagçy akymynyň yzygiderli ösmegine goşant goşar.