Ykdysadyýet
Özbek telekeçileri Türkmenistanyň biržasynda suwuklandyrylan gaz satyn aldylar
February 3, 2026 16:37 • UTC+5 (Ashgabat) • 15 views
2-nji fewralda Türkmenistanyň Döwlet haryt-çig mal biržasynda 8 söwda şertnamasy baglaşyldy. Daşarky bazarda Özbegistan we Owganystan işewürleri suwuklandyrylan gaz we karbamid satyn aldy. Içerki bazarda bolsa ýerli işewürler nebit önümleri we bugdaý ununy satyn aldylar.
2-nji fewralda Türkmenistanyň Döwlet haryt-çig mal biržasynda umumy bahasy 227 080 000 manada we 1 184 250 müň amerikan dollaryna deň bolan 8 geleşik baglaşyldy.
Daşarky bazarda Özbegistan döwletiniň işewürleri «Türkmennebit» döwlet konserninden suwuklandyrylan gazy, Owganystan döwletiniň işewürleri «Türkmenhimiýa» döwlet konserninden «B» kysymly karbamidi we «Türkmennebit» döwlet konserninden suwuklandyrylan gazy satyn almak barada geleşikleri baglaşdylar.
Içerki bazarda ýerli işewürler «Türkmennebit» döwlet konserninden «SN-180» kysymly başlangyç ýagyny, «BND 60/90» kysymly şepbeşik nebit ýol bitumyny we «Türkmengallaönümleri» döwlet birleşiginden 1-nji hilli bugdaý ununy satyn almak barada geleşikleri baglaşdylar.