Syýasat
Türkmenistanyň Baş konsulynyň Owganystanyň Balh welaýatynyň häkimi bilen duşuşygy geçirildi
February 11, 2026 08:30 • UTC+5 (Ashgabat) • 21 views
Türkmenistanyň Baş konsuly B.Kabaýew Owganystanyň Balh welaýatynyň häkimi Mohammad Ýusuf Wafa bilen duşuşyk geçirip, iki ýurduň hyzmatdaşlyk mümkinçiliklerini ara alyp maslahatlaşdy.
2026-njy ýylyň 9-njy fewralynda Türkmenistanyň Owganystan Yslam Respublikasyndaky Baş konsuly B.Kabaýewiň (Mazary-Şarif ş.) Owganystanyň Balh welaýatynyň häkimi Mohammad Ýusuf Wafa bilen duşuşygy geçirildi. Bu barada Türkmenistanyň DIM-niň web-saýtynda habar berilýär.
Duşuşygyň barşynda taraplar dostlukly gatnaşyklaryň netijesinde durmuşa geçirilýän iri infrastruktura taslamalary, söwda-ykdysady, ulag-üstaşyr we energetika ugurlary boýunça hyzmatdaşlygy ösdürmek bilen bagly meseleler boýunça giňişleýin pikir alyşdylar.
Şeýle hem taraplar 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» atly şygaryna bagyşlanan hem-de Türkmenistanyň Garaşsyzlygynyň şanly 35 ýyllygy mynasybetli ýurdumyzda geçirilýän çäreler barada durup geçdiler.