Jemgyýet
Sanly bilim: Birinji synp okuwçylaryna Türkmenistanda öndürilen noutbuklar sowgat berler
May 2, 2026 09:02 • UTC+5 (Ashgabat) • 11 views
Türkmenistanda 2026-2027-nji okuw ýylynda birinji synpa barjak ähli okuwçylara Türkmenistanda öndürilen noutbuklar sowgat berler. Täze enjamlar 1-nji awgusta çenli mekdeplerde gurnalyp, sanly bilimi ösdürmäge hyzmat eder.
Hormatly Prezidentimiziň gol çeken täze Kararyna laýyklykda, 2026-2027-nji okuw ýylynda mekdep bosagasyna ilkinji gezek ätleýän birinji synp okuwçylaryna Türkmenistanda öndürilen noutbuk kompýuterleri sowgat berler.
Bu asylly işiň çäklerinde Türkmenistanyň Bilim ministrligine aşakdaky kärhanalar bilen şertnamalary baglaşmaga ygtyýar berildi:
- “Agzybirlik tilsimaty” bilelikdäki kärhanasy;
- “Aýdyň gijeler” hojalyk jemgyýeti.
Resminama laýyklykda, täze noutbuklar 2026-njy ýylyň 1-nji awgustyna çenli bilim edaralarynda gurnalar we olara tehniki hyzmat ediler. Bu gadam ýaş nesliň döwrebap innowasion tehnologiýalara bolan gyzyklanmasyny artdyrmakda we sanly bilim ulgamyny ösdürmekde möhüm ädim bolar.