Bilim
Türkmenistanda geodeziýa boýunça V internet olimpiadasy geçiriler
February 19, 2026 11:05 • UTC+5 (Ashgabat) • 34 views
Türkmen oba hojalyk instituty 16-njy aprelde ýokary okuw mekdepleriniň talyplarynyň arasynda geodeziýa boýunça V internet olimpiadasyny geçirýär. Her ýokary okuw mekdebinden 5 talyp gatnaşyp biler. Bäsleşik şahsy görnüşde geçiriler, ýeňijiler Diplomlar bilen sylaglanar. Resminamalar 1-nji aprele çenli kabul edilýär.
16-njy aprelde Türkmen oba hojalyk instituty ýurduň ýokary okuw mekdepleriniň talyplarynyň arasynda geodeziýa boýunça V internet olimpiadasyny guraýar.
Oňa gatnaşmaga ýurduň ähli ýokary okuw mekdepleriniň dürli hünärlerde we taýýarlyk ugurlarynda okaýan talyplary çagyrylýar. «Türkmenistan: Altyn asyr» neşiriniň habar bermegine görä, her ýokary okuw mekdebinden olimpiada bäş talyp gatnaşyp biler.
Bäsleşik şahsy ýaryş görnüşinde geçiriler.
Gatnaşmak isleýän ýokary okuw mekdepleri gatnaşyjylar topary we onuň jogapkär ýolbaşçysy baradaky maglumatlary 1-nji aprele çenli tohi_tm@sanly.tm elektron salgysyna ibermelidirler.
Gatnaşyjylar olimpiadanyň düzgünnamasy bilen guraýjy ýokary okuw mekdebiniň saýtynda tanyşyp bilerler.
Habarlaşmak üçin telefon belgileri: +99362733905; +99364264160.
Olimpiadanyň ýeňijileri degişli derejeli Diplomlar bilen sylaglanarlar.