Sport
Türkmenistanly karateçi BAE-de geçirilen ýaryşda altyn medal gazandy
February 23, 2026 16:17 • UTC+5 (Ashgabat) • 19 views
Türkmenistanly karateçi Jora Öwezmyradow BAE-niň Dubaý şäherinde geçirilen “Dubai International Doka Cup 2026” halkara ýaryşynda altyn medal gazandy. 55 kg çenli agram derejesinde kumite boýunça çykyş eden türgen 18 ýurtdan gatnaşan 697 türgeniň arasynda iň ýokary netijäni görkezdi.
Türkmen türgeni Jora Öwezmyradow Birleşen Arap Emirlikleriniň Dubaý şäherinde geçirilen halkara ýaryşda altyn medala mynasyp boldy.
«Dubai International Doka Cup 2026» atly halkara karatedo ýaryşy Bütindünýä karate federasiýasynyň (WKF) howandarlygynda geçirildi we 18 ýurtdan 697 türgeni bir ýerde jemledi.
Jora Öwezmyradow 55 kilograma çenli agram derejesinde kumite görnüşi boýunça çykyş edip, iň ýokary derejeli baýrak – altyn medaly gazandy.
Ýaryşyň ýeňijisi Aşgabat şäherindäki 52-nji ýöriteleşdirilen orta mekdebiň 12-nji synpynda okaýar. Ol Türkmenistanyň milli ýygyndy toparynyň baş tälimçisi Aýdyň Çaryýewiň ýolbaşçylygynda karate bilen meşgullanýar.