Ynanmasy kyn, emma hakykat: kelle agyrysyny aýyrýan mürepbe

Süji derman: adaty mürepbe kelle agyrysyndan nadip halas edip biler? Mürepbe adamlaryň köpüsinde çagalygy, öý aramlygyny we bir käse çaýy ýatladýar. Emma bu süji nygmatyň aňyrsynda köpleriň hatda çak hem etmeýän häsiýetleri ýatyr. Mürepbäniň käbir görnüşleri hakykatdan hem kelle agyrysyny aýyrmaga kömek edip bilýär — bu asla ýalan (mif) däl. Alymlar, naturopatlar we halk lukmançylygynyň tarapdarlary derman içmezden agyryny ýeňilleşdirip bilýän belli bir miwelere has ýygy-ýygydan üns berýärler. Bu meselede esasy üns merkezinde bolsa mürepbe durýar. Garaertik (черника) mürepbesi: damarlar üçin güýçli goldawGaraertik diňe bir göz üçin peýdaly miwe däl. Onuň düzüminde gan aýlanyşygyny gowulandyrýan we kelle agyrysynyň esasy sebäpleriniň biri bolan kelleçanak basyşyny peseldýän antosianlar hem-de tebigy antioksidantlar bar. Garaertik mürepbesi, aýratyn-da, uzak wagtlap gaýnadylman taýýarlanan bolsa, bu häsiýetleriniň belli bir bölegini saklap galýar. Malina mürepbesi: tebigy aspirinMalinanyň düzüminde aspiriniň tebigy meňzeşi bolan salisili kislotasy bar. Hut şonuň üçin hem, sowuklamada we migren agyrylarynda malina mürepbesi goşulan çaý içmek däp bolup galypdyr. Bu mürepbe damarlaryň giňelmegine ýardam edip, gyzgyny we agyryny aýyrmaga kömek edýär. Malinanyň dermanhanadaky serişdelere duýgur adamlar üçin hem amatlydygy we örän ýumşak, ýöne täsirli işleýändigi köpler üçin garaşylmadyk täzelikdir. Gypjyndyk (кизил) mürepbesi: kelle agyrysyna garşy unudylan serişdeGypjyndyk mürepbesi gyzgyny düşüriji häsiýetleri bilen tanalýar, emma onuň aşa ýadawlyk, ukusyzlyk ýa-da ysgynsyzlyk sebäpli ýüze çykýan kelle agyrylaryna hem kömek edýändigini bilýänler azdyr. Gypjyndyk bedeniň tonusyny ýokarlandyrýar, ony demir we witaminler bilen baýlaşdyrýar hem-de gan aýlanyşygyny gowulandyrýar. Sagdyn we berk damarlar bolsa dury zihniniň girewidir. Gökçe (черешня) mürepbesi: migrenden ejir çekýänler üçinGökçäniň düzüminde nerw ulgamyny kadalaşdyrmakda esasy orun eýeleýän magniý we kaliý bar. Eger mürepbe artykmaç şekersiz taýýarlanan bolsa, ol bu elementleriň bir bölegini saklaýar we stress ýa-da gormonal bozulmalar sebäpli dörän kelle agyrysyny ýeňilleşdirip bilýär. Mürepbe — diňe bir süjülik dälGörşümiz ýaly, mürepbe diňe bir lezzet däl, eýsem saglygy goramagyň hem bir usulydyr. Elbetde, eger gürrüň agyr agyrylar barada gidýän bolsa, dermanlary süji çaý bilen çalşyrmak bolmaz. Emma ýadawlykdan ýa-da basyşyň üýtgemeginden dörän ýeňil agyrylarda, mürepbe garaşylmadyk peýdaly kömekçä öwrülip biler. Iň esasy zat — hilli önümi saýlamak we şu ýörelgäni ýatda saklamak: eger tagamyň içinde many bar bolsa, ol bejerip hem bilýär.