Bilim
Türkmenistanyň Belarusdaky ilçisi Saharow adyndaky institutyň talyplary bilen duşuşdy
February 25, 2026 08:54 • UTC+5 (Ashgabat) • 20 views
Türkmenistanyň Belarusdaky ilçisi Nazarguly Şagulyýew Minsk şäherinde ýerleşýän A.D.Saharow adyndaky Halkara döwlet ekologiýa instituty-nyň türkmen talyplary bilen duşuşdy. Çäräniň dowamynda Türkmenistanyň Prezidenti Serdar Berdimuhamedow tarapyndan ýazylan täze kitabyň tanyşdyrylyşy geçirildi hem-de «oňyn bitaraplyk» konsepsiýasy ara alnyp maslahatlaşyldy.
Türkmenistanyň Belarus Respublikasyndaky ilçisi Nazarguly Şagulyýew A.D.Saharow adyndaky Halkara döwlet ekologiýa institutynyň türkmen talyplary bilen duşuşyk geçirdi. Bu barada ilçihananyň Minskidäki metbugat gullugy habar berdi.
Duşuşygyň dowamynda Türkmenistanda ekologiýa başlangyçlaryny amala aşyrmakda Ýewropa tejribesini ulanmak meseleleri, şeýle hem 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmegi bilen baglanyşykly temalar ara alnyp maslahatlaşyldy.
Çäräniň esasy wakasy Türkmenistanyň Prezidenti Serdar Berdimuhamedowyň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitabynyň tanyşdyrylyşy boldy. Ilçi talyplara halkara ynanyşmagyň we döwletara hyzmatdaşlygyň binýady hökmünde «oňyn bitaraplyk» konsepsiýasyny düşündirdi.
Institutynyň direktory, professor Oleg Rodkin türkmen talyplarynyň taýýarlyk derejesiniň ýokarydygyny belläp, olary «durnukly ösüşiň geljekki arhitektorlary» diýip atlandyrdy. Onuň sözlerine görä, Minskide alnan bilimler geljekde Türkmenistanyň oba hojalygyna, energetikasyna we ekoulgamlaryny gorap saklamak işine innowasiýalary ornaşdyrmaga mümkinçilik berer.