Sport
«Arkadag» futbol kluby täze transferini yglan etdi: topar hüjümini güýçlendirdi
January 3, 2026 11:44 • UTC+5 (Ashgabat) • 23 views
«Arkadag» futbol kluby hüjüm liniýasyny güýçlendirdi — gyşky transferiň birinji günlerinde 25 ýaşly hüjümçi Meýlis Diniýew bilen şertnama baglaşyldy. Ol öňki wekilçiliklerinde Türkmen Kubogyny we çempionlyk derejesini gazanandygyny subut etdi.
«Arkadag» futbol kluby gyşky transfer möwsüminiň ilkinji günlerinde düzümini futbol meýdanynyň degişli ganatlarynda çykyş edýän hüjümçi Meýlis Diniýew bilen güýçlendirildi.
25 ýaşly futbolçy mundan ozal Gyrgyz Respublikasynyň «Kyrgyzaltyn» toparynda çykyş edipdi.
Aýratyn bellenilmeli maglumatlaryň biri hem, Meýlis Diniýewiň Aşgabadyň «Köpetdag» toparynyň düzüminde çykyş edýän döwri — 2018-nji ýylda Türkmenistanyň Kubogynyň eýesi bolandygydyr. 2022-nji ýylda bolsa şol Kubogy «Ahal» toparynyň düzüminde gazandy we ýurdumyzyň çempiony diýen adyň eýesi boldy. Netijeli hüjümçiniň Türkmenistanyň milli ýygyndysyna yzygiderli çagyrylýandygyny hem aýratyn ýatlamalydyrys.
Diniýewiň bu transfer şertnamasyny kabul etmegi 11-nji we 18-nji fewralda AFK-nyň Çempionlar ligasy – 2 bäsleşiginiň Saud Arabystanynyň «Al-Nassr» toparyna garşy geçiriljek pleý-off duşuşyklarynyň öňüsyrasynda «Arkadagyň» hüjüm mümkinçiligini has-da güýçlendirmegine täsirini ýetirer.