Bilim
TDLU-nyň talyby «Ýaş ylmy gözlegçi» halkara bäsleşiginiň ýeňijisi boldy
March 27, 2026 18:32 • UTC+5 (Ashgabat) • 53 views
Türkmenistanyň Döwlet lukmançylyk uniwersiteti talyby Guwanç Merdanow «Ýaş ylmy gözlegçi» halkara bäsleşiginiň ýeňijisi boldy! 🌟 Halkara forumda ylmy makalasy bilen çykyş eden G.Merdanow abraýly medaly we şahadatnamany gazandy. Onuň ýolbaşçy mugallymy Gülnar Gulgeldiýewa hem Hormat haty bilen sylaglanyldy. 🏅
Garaşsyz Döwletleriň Arkalaşygyna (GDA) agza döwletleriň ýaşlarynyň arasynda «Ylmy ösüşiň strategik ugurlary we öňdebaryjy halkara tejribesi» mowzugynda geçirilen Özbegistan – Malaýziýa halkara ylmy–amaly maslahatynyň çäginde «Ýaş ylmy gözlegçi» halkara bäsleşigi guraldy.
Halkara bäsleşige öz ylmy makalasy bilen gatnaşan Myrat Garryýew adyndaky Türkmenistanyň Döwlet lukmançylyk uniwersitetiniň kesel bejeriş fakultetiniň 2-nji ýyl talyby Guwanç Merdanowyň üstünligi türkmen ýaşlarynyň mümkinçilikleriniň halkara giňişliginde ykrar edilýändigini tassyklady. G.Merdanow abraýly bäsleşigiň ýeňijisi boldu. Şunlukda, ildeşimiz ýörite şahadatnama we bäsleşigiň medaly bilen sylaglanyldy.
Bu ýerde onuň ýolbaşçy mugallymy Gülnar Gulgeldiýewa hem Hormat haty gowşuryldy.
Biz türkmen talybyny bu ajaýyp üstünligi bilen tüýs ýürekden gutlaýarys.