Ykdysadyýet
Çarşenbe güni, birža söwdalarynda nebithimiýa we oba hojalyk önümleri satyldy
March 26, 2026 08:47 • UTC+5 (Ashgabat) • 42 views
TDHÇMB-niň çarşenbe güni geçen söwdalarynda $35,8 mln bahaly nebit-himiýa önümleri satyldy. Daşary ýurtly işewürler benzin we polipropilen satyn aldy, içerki bazarda bolsa un boýunça geleşikler baglaşyldy.
Türkmenistanyň Döwlet haryt-çig mal biržasynyň (TDHÇMB) çarşenbe güni geçiren söwdalarynda jemi bahasy 35 million 837 müň ABŞ dollaryna barabar bolan nebit-himiýa önümleri satyldy. Bu barada TDHÇMB habar berdi.
Birža söwdalarynda daşary ýurt puluna Owganystanyň we BAE-niň işewürleri “Türkmennebit” döwlet konserninde öndürilen “A-92” kysymly ulag benzinini satyn almak boýunça geleşikleri baglaşdylar. Gruziýa döwletiniň işewürleri “Türkmennebit” döwlet konserninden “TPP D 30 S” kysymly polipropileni satyn aldylar.
Şeýle hem içerki bazar üçin ýerli telekeçiler “Türkmengallaönümleri” döwlet birleşiginden 1-nji hilli bugdaý ununy satyn almak barada geleşikleri baglaşdylar. Geleşikleriň jemi bahasy 25 million 715 müň manada deň boldy.
TDHÇMB-niň çarşenbe güni geçiren söwdalarynda jemi 13 sany geleşik baglaşyldy.