Awtoulag dünýäsinde täzelik: Geely i-HEV tehnologiýasyny tanyşdyrdy

Geely kompaniýasy özüniň iň täze i-HEV Intelligent Dual-Engine diýlip atlandyrylýan öz-özüni zarýadlaýan gibrid sistemasyny resmi ýagdaýda tanyşdyrdy. Bu döwrebap tehnologiýa ilkinji gezek Monjaro (Xingyue L) we Preface (Xingrui) modellerinde ulanyldy. Geljekde bolsa bu ulgam Emgrand we Atlas modellerine hem ornaşdyrylar. Täze gibrid ulgamynyň esasy aýratynlygy onuň ýokary öndürijiligidir. Inženerleriň gazanan netijeleri haýran galdyrýar: - Kuwwaty: Umumy kuwwaty 313 at güýjüne deň. - Peýdaly täsir koeffisienti (PTK): Dwigateliň ýylylyk PTK-sy 48,41% bolup, Geely munuň köpçülikleýin öndürilýän motorlaryň arasynda dünýäde iň gowy görkezijiň biridigini belleýär. - Ýangyç sarp edilişi (WLTC): Monjaro modeli üçin 100 km-e bary-ýogy 4,75 litr.- Preface modeli üçin bolsa 100 km-e 3,98 litr. Täze gibrid modelleri adaty içinden ýanýan dwigatel bilen işleýän nusgalaryndan dizaýn taýdan uly tapawutlanmaýar. Emma käbir özboluşly täzelikler bar: - Eksterýer: Monjaro modeli üçin täze altyn öwüşginli (metally) reňk we özboluşly kümüşsöw-çal reňkli diskalar hödürlenýär. - Interýer: Salonda açyk mämişi reňkli bezegler ulanylypdyr. Esasy ünsi özüne çekýän zat bolsa — Li Auto ulaglarynyň stilinde ýerleşdirilen iki sany uly ekran. Ulagyň ýokary komplektasiýalarynda sürüji we ýolagçylar üçin maksimal amatlyklar döredilen: - Öňdäki aýnadaky proýeksiýa displeýi (HUD). - Öňdäki oturgyçlaryň ýyladylyşy, sowadylyşy we massaž funksiýasy. - Yzky oturgyçlaryň arkalyklarynyň kadalaşdyrylyşy. Geely Monjaro diňe bir kuwwatly däl, eýsem öz klasynyň iň tygşytly ulaglarynyň birine öwrüldi. Täze i-HEV tehnologiýasy ýangyç tygşytlamagy we dinamikany birleşdirmegiň täze derejesini görkezýär.