Jemgyýet
Tebigy gaz üçin sanly tölegler: «Türkmengazüpjünçilik» birleşiginde täze ulgam ýola goýuldy
March 31, 2026 13:59 • UTC+5 (Ashgabat) • 147 views
Tebigy gaz üçin tölegler indi bir düwmede! «Türkmengazüpjünçilik» birleşigi täze sanly ulgamy ýola goýdy. Indi ýurdumyzyň ähli künjegindäki müşderiler sarp edýän gazlary üçin tgu.gov.tm saýty ýa-da «Milli ÝJH» mobil goşundysy arkaly öýünden çykman onlaýn töleg edip bilerler.
«Türkmengazüpjünçilik» birleşiginiň merkezi edara binasynda sanly ykdysadyýete geçmek boýunça döwrebap ädim ädildi. «Ynamly Belentlik» hojalyk jemgyýeti tarapyndan döredilen «Hasaplaşyk merkezi» ulgamy indi «Aşgabatgaz», «Arkadagşähergaz» we ähli welaýat gaz üpjünçilik müdirliklerinde internet arkaly işläp başlady.
Häzirki wagtda ýurdumyzyň müşderileri sarp edýän tebigy gazlary üçin tölegleri öýlerinden çykman, tgu.gov.tm web sahypasy ýa-da smartfonlaryň «Milli ÝJH» mobil goşundysy arkaly amala aşyryp bilerler. Bu täze ulgam hasaplaşyklaryň takyklygyny we amatlylygyny üpjün edýär.
Material «Amul Info» redaksiýasy tarapyndan resmi maglumatlar esasynda taýýarlandy.