Jemgyýet
Türkmenistan bilen ÝUNISEF hyzmatdaşlygyň möhüm ugurlaryny ara alyp maslahatlaşdylar
March 31, 2026 09:00 • UTC+5 (Ashgabat) • 40 views
Türkmenistan bilen UNICEF hyzmatdaşlygyň möhüm ugurlaryny maslahatlaşdy. Duşuşykda Mähri Bäşimowa we Jalpa Ratna bilim, durmuş goraglylygy, çagalaryň irki ösüşi we inklýuziw bilim ulgamy boýunça hyzmatdaşlygy ösdürmek meselelerine ünsi çekdiler.
2026-njy ýylyň 30-njy martynda Türkmenistanyň Daşary işler ministriniň orunbasary Mähri Bäşimowa bilen Birleşen Milletler Guramasynyň Çagalar gaznasynyň (ÝUNISEF) Türkmenistandaky wekili Jalpa Ratnanyň arasynda duşuşyk geçirildi. Bu barada Türkmenistanyň DIM-niň web-saýtynda habar berilýär.
Duşuşygyň dowamynda taraplar hyzmatdaşlygyň möhüm ugurlaryny
ÝUNICEF-iň 2026-2030-njy ýyllara niýetlenen Türkmenistan üçin ýurt maksatnamasyndan gelip çykýan wezipeleri bilelikde durmuşa geçirmeklige aýratyn ähmiýet berildi.
Taraplar mekdebe çenli bilimi ösdürilmek meseleleri boýunça hem pikir alyşdylar.
Şeýle hem jemgyýetçilik işi ulgamynyň ösdürilmegine degişli meseleler, şol sanda hünärmenleri taýýarlamak, täze iş orunlaryny döretmek we institusional gurallary kämilleşdirmek boýunça meseleler ara alnyp maslahatlaşyldy.
2026–2030-njy ýyllar üçin çagalaryň irki ösüşi boýunça Milli strategiýasyny kabul etmegiň möhümdigi nygtaldy.
Mundan başga-da, inklýuziw bilim infrastrukturasyny ösdürmek boýunça taslamalary durmuşa geçirmek hem-de çagalaryň goraglylygy hem-de çagalar boýunça adyl kazyýet işi baradaky Milli maksatnamany taýýarlamak meseleleri ara alnyp maslahatlaşyldy.